|
عشق تۆپێگ
نووسهر:
نهوید
وهختێک چهوێ واز کرد، خور خهریک بۆی له پشت
تپه بهرزهکهێ لاشان ماڵێانهوه ههڵ باێت.
وه ئهسپایی چهو ڕاسێ وڵایی، و یه کۆنا لۆیتێ
گرد و حهتا خوا قهوهتێ داوی یه هنگ گهوره
کرد، یه پارچه کڵم و چڵم زرد و سفت جۆر کهسێک
کهراێه ماڵ چهن مانگ گۆزهشته نهێاوت ، جۆر
پهڵه ههور سیه و زهردێک له کۆنا لویتێ
دهرپهڕین، و شون خوێانا یه قهێهر چڵم چهرمگ
و شل کیشانه دهیشت. چڵمه چهرمگهکه جور
لانهێ پهس پهسهکڵێ یه توڕ چهرمگ خستنه بان
سێوێلێ. سێوڵی جۆر بۆژانهێک بزن قهپ کردوته پێا
وه شکڵ پهشێوێک له دهر لوێته زلهکهێ تهنیا
ڕیشگهکهێ ماوێ. ههر چهند جاروبار سێوڵێ
تهنیا چشتێک بۆێ توانست داخ ودۆێمان خوؤ وه پێا
بڕشنێت وهختیک بچیاته ناو فکرا و دگان کهفته
گیانێ و حهساوی کڕانوهێ. وه ههرحاڵ سهرێ
ههرماێ هازر نوهی قهبوڵێ بکهێت، و جۆرێک له
فکر و ذکر عشقه توپیگهکهێ ڕزگارێ بکهێت. تازه
کهفته فکرێ دویه شهویچ نهخهفتگه، و تهنیا
له خهو و خهێاڵ عشقهکهێ بویگه.
وهختێک مهجبور بوێ دویهشهو ئهڕا ئهوه
بهشه تهڕاوهکهێ نهخوریهت، جۆر جاران نکێ
نههامێ نهۆت، وه ههر جۆرێک بۆێ خۆێ ڕهسانه
سهر سفرهکه، بڕێک کناره نان پهێره که له
وهر دهس برا و خویشکه نهوسنهکانێ وه جێ
ماوی، له ناو دهسێا ورد کرد و حهساوی جۆر
پڕپوڵهێ وهر مامر وڵایهێ نا جامهکه، و بێ
ئهوه فکر بکهێت جامهکه درێژ کرد تا باوهژن
یه قهڵوخه تهڕاو بهکهێته بانێ. و ههر جۆر
بۆێ باوهژن متوهجه بۆی، یه قهڵوخهێ خاس
تهڕاو کرده ناو جامهکهێ، وه دهم کارهکهوه
وهت بخوه وه لکت بوت. ههر هایته نافکرا، چمان
قاتر زهرد ماچهت گورگ کۆشتگهسهێ. لهی جۆر
قسهگله فره ژنهفتوێ، و تهنیا گوشێ وه
قوڕهێ ناوزکی بوێ، که ههر لێخهروێکێ یه جور
عهزاداری داشتن. لهوهیچ خراوتر ئهو ئحساسه بێ
وجدانه بوێ یه سانیهیچ وێڵێ نهکرد.
ورده ورده نانه ڕهقهکان خۆێان له مۆقابڵ
گهرماێ ئاو تهڕاوهکه نهگرتن، تۆرشی دوینه تا
مهخز زقانێان چی، و خولاسه پڕپوڵهکه ئامادهێ
خواردن بوێ. چمچه استیلهکه که مهرحوم داڵکێ
له باوانی داوینهێ پێ، ههرماێ مهشغول خزمهت
بوێ، ههر دهفه ئهو چمچه گرته دهسوه،
کهفته فکر زهمان مناڵێ، وهر لهوه باوکێ ئی
باوهژن ناچهو ترشیاگه بارێت، و بکهێتهێ
ئزرائیل گیان مناڵهکان، تا خوێ له نان و ههویر
دروس کردن بکهفێت، و جۆر پیاگهکانتر بچوته بان
لاس کوڵان و چهوهڕێ ڕیهن و گاگهل بۆتن، وه
دهمیچێوه چوار قسهێ خوش و ناخوش بژنهفێت.
چمچه دهها دهها بارێ له نان تریت تهڕاو
گیریا، و له کۆناێ دهم براێ عاشق و تهنیاوه
بارکهێ خالی کرد، وهر لهوه له خهو باێت،
چمچهکه وه تهقهێ سهرێ له بن جامهکه هاوار
کرد هویچ نهماگه. باوکێ له کڕهێ چمچهکه له
خهو هات، و یه پا لهقه گیرانه بن دهس کوڕ،
وهت کۆم له جامهکه بکه، دهک تویش شهڕ بایت،
ئهڕا نهوسنیت. وه دهم لهقهێ باوکوه کهفته
ئهولاێ کوانگهکهو، بێ ئهوهێک هویچ بویشێ، خۆێ
ڕهسانه سوێک ماڵهکهو له تاریکی نزیک
لافهکهێ خوێ دانیشت. هویچ کهس دهنگ ئعتراز یا
ناڕهزاێهتی بهرز نهویهوه، و باوهژنیچ له
وهردهم خوێوه وهت دهس خوش.
فره وه پێ نهچی، گشت برا و خویشکهکان وه ڕزا
ڕمیان، و تۆرشی دوینهکه کار خۆێ کرد، له
شهکهتی ڕوژ نجاتێان بۆی، ههرکه له شون خۆێ
درێژ کیشا، وه بێ مسواک و ئی جۆر بهزم ڕهزمێک
لهی خهو چینه ئهو خهو. براگهورهیچ ههرماێ
له ژان پالهقهێ باوکێ ناوزکێ پڕ بوێ له دهرد،
کهمێک هاج واج بوێ، وهلێ دویاجا تهسمیم گرت
نهگریهت چۆێن وه گریان کارهکه توانست خراوتر
بۆت.
سهرێ کرده ژێر لافه کۆنهکهوه، و پشتوه
ڕمیا، ورده ورده ژان ناوزک ساکت بۆێ، زکییچ تا
ئهندازهێک پڕ بوێ له نان تریت، و تۆزێک هاز و
ئنرژی کهفته وهر گیانێ، و ئهفکار شهوگهل
قهبڵ تکرار بوینوه.
چهن ڕۆژێک بۆێ خراو لهلێ قومیاوی، وه بێ
ئهوه خۆێ بزانێت عاشق بۆیوی، عاشق کهسیک که
کهوشهکانیچێ وه پێ حازر نهوی پاک بکهێتوه.
له دهم کهس و کار شیرینهکهێ ژنهفتوێ که
ناوێ وه خاس بهن، وه پێ ویشن کۆڕ فره خاسێکه،
مهسهڵهن هاله فکر مهردما، ئاێهم دڵ پاکێکه
یان فره دهس و داوان پاکه. وهلێ ئیجور
قسهگهلێك ئهڕا دویهت ئی دهورو زهمانه که
دی گۆچان له پشت سهرێان ئهڕا شۆوی کردن تهقهێ
ناتێت، جۆر گوز خهریچ نیه. ئیسه دهور
ئهوهسه ههر نهوت یهک یان دو سی دی
دهرکردویت، زڵفت چوڕهێ ڕۆێنێ باێت، یان وه
قهرز و قوڵهێج بویگه ماشێنێک سهندویت،
ئهڕاتیچ کریاوت باڵ بازو خاسیک ناویته یهکوه.
کابرایچ هۆیچکام لهی مهزایا نه تهنیا نهێاشت،
بهڵکو تهبیعهتیچ وهلێا فره هاکاری نهکردوی.
ئهوێک توانست چشت مۆسبهتێک بۆت ئهڕا فریو دان
دڵ نازۆک خانمێک، خودا له لێ دریغێ کردوی. وهلێ
له عهوهزا یه سهر پڕ له ژان داویه پێ، که
فکر بکهێت حهتمهن توانێت دڵ کهسێک وه دهس
بارێت.
تهڕاو له جێ ئهوه بخهفنێتهێ بۆیه سهبهب
ئهوه زیاتر هێز و ئنرژی فکرکردن وه دهس
بارێت، له خهو و خهێاڵ خۆێ غهرق بۆت. تهمام
ئهو لهحزهگهله هاورده وهر چهو که ئهوڵ
جار چه جۆری بۆی، دڵێ ئهڕا ئهو خانمه بێ
ڕهحمه کهفته خهو خهو. خویچێ، نهزانست، کهێ
ئی ماجهرا شروع بۆیگهس، ئهما زانست ئی ماجهرا
تا ناو دهنه وه دهنه سلول بهدهنێ ڕسوخ
کردگه، و حهتا یه تاڵ موێ سهریچێ نیه عشق
ئهو خانمه له پاێ لانه نهکردوت. وهختێک وه
پێ فکر کرت، دڵێ جۆر ئاسیاو کهم ئاو هاته ڕپه
ڕپ، وهختێک دهنگ نازکهکهێ ئهو خانمه کهفته
فکرێ، چما گوش لا موسیقی مۆزارت دا. جارورباریچ
شهویه تهنکهكهێ ئهو خانمه له بان تهناف
ماڵهکهێان دی، بێ ئهوه که خوێ بتواێت،
قێافهێ ڕۆێت و قۆێت شیرێنهکهێ هاته وهر
چهوێ، سهرێ یه تهوز هاته پێا، مهڵاقێ وشک
بۆێ، مهشغوڵ ههر کارێک بویات له فکرێ چی. ئهما
ئیمشهو فره فهرق داشت، گشت خهفتوین، باوک و
باوهژنێچ له شوون یه بڕ چپه کردن، کهمێک
نهفهسێان تۆند بۆی دویاجار ههر دۆکێان جۆر چراخ
مۆێشی له شوون کهمێک دوێکهڵ کردن خاموش بوین،
دهنگ مهرخهێ باوک ماڵهکه گردۆیه وهر.
بێ ئهوه بزانێت له ژێر لافهکهێ باوک و
باوهژن چه قومیاگه ئهما ئهڕاێ له ڕوژ ڕوشنتر
بۆێ که کارهکهێ ئهوان له خهوه وه دی
نههاتگهکهێ خۆێوه نزیکه. وهخت خۆێ تهڵهف
نهکرد، تهسمیم گرت ئهگهر ئیجارهکه ئهو
خانمه دی چه جۆر وهلێا قسه بکهێت، بهشکۆ
ڕازی بۆت جواو دڵه پڕ له عشقکهێ وه یه جۆرێک
وهر بگرێت. ئهوهڵ دهسێک هاورده سهرو صورهت
خوێا، تهسمیم گرت، یه جفت کهوش پاشنه بهرز
بسهنێت، یه عهتر گرانقیمهتیچ وه ههر دهرد
سهرێک بویگه بساوێته خوێا. ئهما له شون
کهمێک فکر کردن تهسمیم گرت ڕیش پروفسوری
دابنهێت، چوین ئیسه دی لازم نیه بچیته
دانشگاه تا بۆیته پرفسور، تهنیا کافیه، له
بانوه سێوڵت بتاشیت، دهور دهمت وه دهژ بیلیت،
وه یه جورێک دهم باقیماندهێ سێوڵ و ڕیش
بڕهسنیته یهک، ئهگریچ لازم بۆت، توانیت له
جاینگ وهروه خۆاریچ یه خهت نازۆک ڕیش بیلیت
ئهڕا ئیه ڕیش پرفسوریهکه تهنیا نهوت. ئهڕا
ئیه چه لهباسیك بایهس بهکهێته وهر تا
بتوانێت خاسترین تاسیر داشتوت، تویش مۆشکڵ هات.
چوین خۆێ زانست، ئهسڵهن قهد وباڵاێ ئهڕا کوتر
و کهرهوات خاس نیه، ههر لهباسیکیچ بکهێته
وهر، چاخی زکێ له لێوه دیاره، باڵه
باریکهکانیچێ وه دهرد شهوێ باڵ کۆڵ ناخۆهن.
ههرچێ سهر هاوردو برت، لهباسێک وه دڵ خۆێ
پهێا نهکرت، ئهڵبهت چهند مارک فره مۆهم جۆر
لی وایز، نایک و نازانم چه هاورده وهر نهزهر
که پۆیل هۆیچکامێان له گیرفانێ نهوی. ئهڕا
ژلهێ سهریچێ کهفته ناو مهینهت و دهرد سهر.
ههرماێ بهرنامهێ ئنتخاب لهباس تهمام نهوی،
تواست خۆێ حازر بکهێت، چه بویشێت.ههرچێ فکر
کردوه، هویچ نهماگه نهوهتوتهێ، یا ئهنجامێ
نهێاوت، ئهما ئهڕا چه ئیجاریچه تواست دوباره
قسهێ بکهێت، خویچێ نه زانست. ئهگهر بۆیشێت من
عاشقتم، تێر وه پێ خهنێت، چوین ئهوقهره ئی
کهلیمه له کوڕه وردهێ خومانێ و بێگانه
ژنهفگته، وه مهسهیج وئی میهل و نامه ئهڕاێ
هاتگه، که وه کهلیمهێ عشق ئاڵرژی پهێا
کردگه. وهلێ ئه خانمیچه ئهسڵهن قینێ ناتێت
مهردم بچنه داواێ بکهن، ئهویچ بویشێت نه،
چوین ههرچی تعداد خواستگار فرهتر بۆت، و
لیستهکه تۆیلانێتر، ئهو خانمیچه له
ڕهفیقهکانێ کهم ناتێرێت، وهختێک باس ژمارهێ
خواستگارکانێان ئهڕا یهک ویشن، وه دهم خهنین
و گاڵتهوه ویشن، فڵانکهسیچ داوام کرد، منیچ
وهتم دهرس خونم تا 15 ساڵتریچ شوی ناکهم.
ئهڵبهت خوا ههڵ ناگرێت، داڵک و قهوم
کهسکاریچ، وه جۆرێک توان بویشن دۆیتهکهێان
دهرس خۆنێت، ئهڕا خاتر دهرس چیگهسه یه
شارتر. وهلێ وه تلفون له پشت سهر
دویهتهکانتر تا ئهوره بتوانن وه دهس و دڵ
وازی قسه کهن.
ئهما گوش کۆڕ عاشق وهی قسهگهله بدهکار نیهو،
خهریکه ئاخرین زانست و توانایی خۆێ خهێته کار
ئهڕا ئهوه له مڵاقات ئایهنده چه بویشێت.
ههرچێ سهر هاوردو برد، هویچ کهلیمهێک ئهڕاێ
پهێا نهوی که نهویشیاوت، وه گوش ئهو خانمه
نهخواردوت. ههرماێ وێل و وهیلان وه شوون پهێا
کردن چهن کهلیمهێکوه بۆی که فکرێ چیه لاێ
ئهوه چ ههدیهێک خاسه توانێت دڵ تهرهف نهرم
بکهێت. ئهوهڵ فکر کرد یه سی دی تازه یه
خوانندهێ کوردی پهێا بکهێت، ئهما ههر چی فکر
کرت، یه خواننده پهێا نهکرد که ئهو خانمه
وه دهنگێ ههڵ نهپهڕیوت وسهر چؤپی نهگرتوت،
یا وهیه جورێک نهناسێتهێ. ماشالا گورانی
ویشهکانیچ ههر گورانی یهکان کاویشت کهنوه، و
تهنیا عهکس بان سی دی که هین خوێانه.
شێعرماموستا هێمن، ئاواز حهسن زیرهک، تار حهمه
تهقی، دنبهک فڵانه کهس پهس وهیجوره چه هین
خۆته کابراێ خوانندهێ ههڕگ وه سهر؟ وه
ههرحاڵ ههدیهیچ که له نهزهرێا بوێ وهل
باقی ههدیهکانه که تائیسه وه ئهو خانمه
وه چهپ و ڕاسا پیشنهاد کریاوی، جۆر ڕیقنهێ یه
زهردی وهریچ نهوی. کوڕ هاوماڵ ههم قێافهێان
خاستره، ههم وه فروش مهواد ساحب ماشین بنز و ب
ام وێه، ئهویچ تهنیا فکر کهێت وه خۆندن کتاو
و چهن قسهێ زل توانێت، گڵێم خۆێ له ئاو دهر
بکیشێت. لیست هدایا ژێر و بان کریا، و براێ ئاشق
قۆدرهت هۆیچ کامێان نهیاشت، شهوگار تا دوکۆتی
چیوێ، وهلێ عاشق وهل خۆێا دهرگیر بۆی.
نانه ڕهقهێ تهڕاو فیسانگ، له معده وهرهو
لیخههرو کهفتویه ڕی. له تورشی سزگ
دوینهکه، ئهسید کلورید ناو معده خهجاڵهتی
گردهێ سهر بارێته بان. له نهتیجه نان و هڕوش
تهقریبهن وه بێ موشکل تهجزیه بۆین، له
دوانزه گانه کهفتهن ڕی، وارد لیخهرو باریک
بۆین. لهوریچه مهواد فرهێک که وه دهرد
بخوێت تهقریبهن جهزب نهوی. له نهتیجه
لیخهرو باریکیچ پاڵ نا نان تریت تهڕاوه، وه
له ڕودهێ گهوره، باکتری ورسگ فرهێک ئنتزار
کیشان. باکتریهکان شروع کردنه ورد کردن
نشاستهێ نانه پهێرهکان، و تهبدیلێان وه
شهکهر، ئهڕا ئهوه مهخز بتوانێت کار بکهێت.
مهخزیچ جۆر یه بڕ دهوریش ئهوسا زات ناخۆێ له
شهکهر نهوت. وه ههر حاڵ له نهتیجهێ شکانن
نشاسته، گاز فرهێک تهولید بوێ، و زگ براێ عاشق
بۆیه ههوانهێ پڕ له دۆێکهڵ. ههرماێ لیست
ههدیهکان ژێر بان کرد، که سداێ ئنفجارێک له
پشت خۆێ ئحساس کرد، داچهڵهکیا، و ههنگهو
پهڵه سهرێ له ژێر لافهکه هاورده دهیشت،
بزانێت کهس گوشێ وه پێ نهویگه؟
خۆشبهختانه ئی جاریچه وه خهێر گۆزهریا، کهس
وه خهوهر نهوی، ئهگهریچ بۆێ، کهس خۆێ وه
تهرهف قهزیه نهکرد. ڕهسمه ویشن" گهر خودا
خواهد عهدو گردد سهبهب خهێر". ئهو ئنفجاره
ئهڕا یه لهحزه له دونیای خهێاڵات هاوردهێ
دهیشت، وه خسته فکرێ، فره دێره، باێهس
بخهفێت، چوین سو ههزار کار دێرێت.
یه دهس هاورده بان زکێا، تا ئتمینان حاسڵ
بکهێت، که له سهر ئهوزاع کۆنترۆڵ دێرێت.،
وهلێ زانست که زکێ فرهتر له جاران بهرز
بۆیگهسوه، ئحتمال له دهس دهرچین گرمهێکتر
وه وا ئێجاگ بوین فرهس. وه ههر حاڵێک بۆی خۆێ
قانع کرد تا بچوت خوێ خالی بکهێت. ئهما
ئهوهێکه مهجبور بۆی له خهو و خهێاڵ کردن
دویر بکهفێتهوه فرهیچ خۆشێ نههات. چوین خهۆ
و خهێال تهقریبهن هۆیچ زهرهرێک نهێاشت بیچگه
له بێخهوهی، لازمیچ نهوی له خهجاڵهتی
عارهق بهکهێت. له ناو خهو خهێاڵ، ههر کهس
ئهڕا خۆێ یه شێره، وهلێ وهختێک ڕهسێته
خانمێک که بتوایت قسه وهلێا بکهیت، چما
کهلیمه قاتیه، زوان بۆته لنگه کڵاش له ناو
دهم، و ئارهق شهرم له تهمام گیان ههڵ نیشێت.
وه ههر جۆرێک بۆێ خۆێ ڕهسانه مۆستهراحکه،
دواره یه لهحزههوشیارێ خۆێ له دهس دا، و
ئیجاره له جار ئهوهڵ خراوتر گرمه له لێ ڕاس
بویوه، له ناو دهر و دیوار دهنگ داوه. باوکێ
له خهو هات، وهت ئهێ ماڵ باوکت بڕمێت ئهڕا
گرمهت. سهره مۆرۆیجه خواردگه، باوژنیچ یه پل
خۆێ دا و سداێک له خۆێ دهر کرد، که تهقریبهن
هل گرمهێ کوڕا توانتست له یه مسابقهێ ملودی
بهشداری بهکهێت. شوێ خوێ وه پێ نهگیریا،
وهت خانوادهێ ئهسیل وه یه ویشنهێ، بزان چه
نوگه چڕێک کهن، چما له بان لهباس مردگ عزیزێان
ئهڕا یهک سهننوه. کوڕ له شهرما، نهتوانست
له شونهکهێ خوێ ههل بڵسێت، تواست مۆنتهزر بۆت
باوکێ ئارام بۆتوه، ئهوسا بچوتوه ناو جێهکهێ
خۆێ. بهڵام باوهژن کهفته وهر عاف، و باوک دی
دهمێ داخست. کوڕ ورده ورده هاته هوش خؤێ، و
نۆک پا خۆێ ڕهسانهوه سهر جێهکهێ خۆێ. دواره
لافهکه کیشا مل سهرا تا بتوانێت پهنهمویس
بکهێت. ههرماێ خاس چهوێ نهوهستوی، عشق ئاگرین
خانم هاتوه ناو سهرێ، دڵێ کهفته ڕپ دایین.
خانمیچ شهو گوزهشته پارتی دهعوهت بیهس، ه
له شونیچێ ئهڕا ناچ سپیل تا روژ یه شهمه وهل
چهن کوڕو دویهت ترا، مهشغول خواردن و خهنین
بیهس. کوڕیچ ههرماێ ها له فکر ئهوه، دڵێ
وهدهس بارێت. خۆێچێ نازانێت ئی خانمه چه دێرێت
که باقی خانمهکان نهێرنهێ، بهڵام چهو و
عهقڵێ ههر ویشێت تهنیا ئی خانمه، و هویچ کهس
تر. قهێهم شهڕیچ ها لهوره، ئاێهم دوس کهسێک
دێرێت که دوسێ نهێرێت. له کهسێک خوشت تێت که
ئهو له تؤ خوشێ ناتێت، ئیه وه پێ ویشن عاشقی،
قهڕن 21. وهل یهکیکا زندهگی کهیت، خوشت له
یهکیتر تێت، های له باوش یهکیتر، وهلێ خهو
یهکیتروه دوینیت.
فکر و خهێاڵ خانم، دوباره جۆر زهردهواڵه وهر
بۆینه گیان مێشک براێ عاشقمان. ئهفکار جۆر
مانگاێ ههنگڵه بردگ، لهی شاخ پڕیه ئه شاخ،
خهێاڵ جۆر گهماڵ کرمژن خۆێ کرده ههر چێ
کۆناێا. ئحساس لهمس کردن بهدهن خانم جۆر ئاگر
له سهراسهر بهدهن کوڕ جهرقه وهشان، و
ئاخرهکهێ تهمام ئهو ئحساسه ئاگرینه، خۆێ له
دهور وهر زارگ کوڕ جم کرد. شێعرهکهی ماموستا
قانع کهفته فکرێ، ماموستا قانع گشت ئحساسکه وه
شێعر باس کردگه و مهزهێ خهۆهکهیچ له وجود
خؤێا ئحساس کردگه، ئهما لهێره ئی کوڕ
بێچاره، خهو ناوینیت، بهڵکو تهنیا تهسهور
کهێت. نازانێت چه بکهێت، چ ههڕگێک بهکهێته
سهرێا. ئهو خۆێ وه عاشق زانێت، ئهما ئیسه
ئحساس جنسیه فرهتر ئزهیهتێ کهیت. کهمێان
ڕاسن، عشق یا مۆشکڵ جنسی؟
ئهوهڵ فکر کهێت عشق، ڕاسه، یا تواێت وهیجۆره
خۆێ قانع بکهێت، که عشق له ههر چێ چشته وه
بانتره. وهلێ له ههر لاێکوه، فکر لهلێ
کهێت، نهتیجهکه بۆته ئهوه، که ئهو تواێت،
ئهو خانمه له بهخهڵێ ههڵاژیهت، بتوانێت و
ئاسانی یهکان له باوش بگرن، ماچ بکهن، له ناو
یهک حهڵ بۆن، وهل یهکا قسه بکهن، بچنه
سینما، خانمهکه لهی نهوت وهل هۆیچ کۆڕێکترا
قسه نهکهێت، کۆڕهکهیچ وه دزیوه ئهڕا
ڕهفیق دویتهکان مهعشوقهکهێ مهسهیج
نهنێرێت. خولاسه ئهڕا یهک بژین و بمرن. ئهما
له کوره دینه جفت وه تهنیا وه یه خهر یا
گا بکریهت. عاشقی جور جفت کردنه، باس ههڵ دڕین
دڵه، ئیسه دڵ زهوی نه، بهڵکو دڵ ئنسانه.
عاشقی یهک تهرهفه جۆر جفت کردن مردم ئهفریقاس
که وه تهنیا یه خهر یا گاجفتهکهێان کهن.
یه تهوق خهنه مل خهرهکه یا گاکه، وه یه
تهناف تهوقکه بهسنه هیشهکهێانهوه. وهلێ
له ئهفریقا ئهوهنه دڵ زهوی عهمیق ههڵ
ناکهنن، چوین ئهوان توان ههر ئهو بهزره
بکاڵن، له ساڵ ئایهنده چه بۆت فره فکر وه پێ
ناکهن. له نهتیجه تهوقهکه فره قورس نیه.
بهڵام ئی براێ عاشقمانه تواێت ههم کار
مهعشوقهکه بکهێت ههم کار عاشق. وه تهنیا
عاشقه، دڵێ ئهڕا خۆێ جار جار بۆته کهواو،
ئهڕا مهعشوقهیچێ گریهت، وه تهنانهت حازره
ڕیازهت بکیشیت وخویچێ سهقهت بکهێت تا باوهر
وه پێ بکهن. لهی خهو خهێاڵا بۆێ که شانس
هاورد و خهۆ کهفته پێا. قوڕهێ ناوزکێ کهمێک
ئهزیهتێ کرد، ئهما خهو دی خهریکه دو نان خاس
وڵاێگهسه ناو شورواێ چهور، و له لوێلهێ
شێرهکهێان شوروا ڕی گردگه. خهریک شوروا خۆاردن
بۆێ که یارهکهێ وه دهمێک پڕ له خهنینوه
هات. یهقهێ شهویکهی تا بهین مهمکهکانێ واز
کردگه، قژێ مش کردگه، و دهور چهوگهلێ سهوز
سیه حساوی ڕهنگکاری کریاگهس. تهنانهت ناوکیچێ
یه حهڵقهێ ئهڵماس کردگهسه لێ. وهختێک چهوێ
کهفته خانمهکه نان شوروا خواردن له فکرێ چی،
تواست ههڵ سێته پا بچوت باوش بکهێته مل
عزیزهکهێا، که تا ئیسا ئهوقهره مهربان
مڵاقاتێ نهکردوێ. ئهما ههر چی خانم نزیکتر
بویهوه زیاتر دهرکهفت که ئسڵهن چهوێ له
ههن کابراێ عاشق بهسیاگه. لهبخهندیچ ئهڕا
کابرا نیه، بهڵکو ئهڕا کهسێکتره که
هاتگهسه سهر قهرار. وهختێک خانم له کابراێ
عاشق شان ڕهد کرد، ههرماێ نهتوانست باوهڕ
بهکهێت، که یارهکهێ وه ئی ئاسانیه باوش
ئهڕا عهرهبێک، تورکێک یان فارسیک واز بکهێت،
بهڵام عاشقه کوشیاگ و بڕیاگهکهێ له
وهرچهوبخهێت. خهوه خۆشهکه فره توێل
نهکیشا که شوروا خواردنهکهیچ کرده قۆزڵ قۆرد
کابرا، له خهو داچهڵهکیا، چه ڕوانێت نه
شوروا ههس و نه مهعشوقه. کهفته فکرێ عاشقێ
ئاێهم بێکار تواێت. روژێک مامه خهر خهریکه
گیان کهندن بوت، کاک ڕیوێ چوت له نزیکی کۆت
دهێتوه، خهرهکه فهرمایش کهێت، من تا
پهنجشهمه نا تۆپم، ڕویهکه ویشێت منیچ تا
جۆمعه بێکارم.
نوید 5.01.06
Alicante Spain
کۆد......و0077
E mail to : arselan81@yahoo.com | 
